У кішэнях нуль

Ў кiшэнях нуль. Ну i халера з тым!
Знайду дзе ежы сабе знайсцi
Ў карчме, што пры дарозе, будзе сёння пiр
А п'яных не складана абакрасцi
Я сам сабе кароль, сам Бог i сам суддзя
I зброя у мяне не горш за меч
Мой розум - мая зброя i пакуль 'шчэ жывы я
Нiхто не здыме галавы з маiх свабодных плеч.

Сумлення - нуль. Ну i халера з iм!
Я быў заусёды валацугам
З сябрамi пiць, на сене дзеўку прытулiць
Я больш люблю, чым працаваць за плугам
Куды хачу туды пайду
I для мяне нiдзе не будзе перашкоды
За залаты палац ды скрыню медзякоў
Нiколi не прадам сваёй свабоды.

Праз пыл дарог я зведаў лёсу вір
Знайшоў, дзе кветка-папараць расце
Сам бог не злічыць колькі ў маіх ботах дзір
Нішто не спыніць шлях мой ў даль, не перашкодзіць мне
У пошуках нязбытных мрой я галавы не склаў
Пазбегнуў шмат шалёных куль.
Ўсім сэрцам шчыры і таемных не заводжу спраў
Якія справы могуць быць, калі ў кішэнях нуль?